Tómatpestó Gunnu í Dalsgarði

Hráefni:

  • ½ dós niðursoðnir tómatar
  • ½ krukka sólþurrkaðir tómatar- dálítið af olíunni notað
  • 4 hvítlauksgeirar
  • 1 msk ferskur rifinn parmesanostur
  • grófmalaður, svartur pipar, sýróp og salt

Aðferð:

  1. Niðursoðnir og sólþurrkaðir tómatar ásamt hvítlauk eru maukaðir í matvinnsluvél.
  2. Parmesanosti og smávegis af sýrópi bætt í.
  3. Saltið og piprið eftir bragði.

Gott með pasta, fiski, kjöti t.d. kjúklingi og bráðgott með brauði og snakki.

Geymist vel í kæli í u.þ.b. mánuð