Aðferð:

1. Saxið lauk, sneiðið blaðlauk, pressið hvítlauk.
2. Bræðið smjörið, bætið karrýinu saman við ásamt öllum lauknum og látið mýkjast í góðum potti í nokkrar mín.
   Magnið af karrýi fer eftir smekk hvers og eins. Ég nota u.þ.b. 1msk af karrýi, en upphaflega uppskriftin segir 2 msk. Fer einnig mikið eftir því hvernig karrý er notað. Ég nota milt Madras, en því miður er ekki hægt að fá það lengur.
3. Bætið tómötunum og grænmetiskraftinum útí og látið malla í u.þ.b 10 mín.
4. Bætið nú rjómanum útí, látið sjóða í nokkrar mín.
   Bragðið súpana til með salti og ef til vill meiri grænmetiskrafti eða karrýi.
5. Þá er söxuðum ferskjunum bætt í. Ég nota ríflega af þeim. Suðan látin koma upp.
6. Að lokum eru rækjunum bætt í, en eftir það má suðan ekki koma upp.
   Stundum hita ég aðeins rækjurnar í örbylgjuofninum við lágan hita og ber þær með súpunni, þannig að hver og einn geti stjórnað rækjumagninu. Þetta er líka þægilegt upp á ef einhver afgangur verður af súpunni. Hún er mjög góð upphituð, sérstaklega ef rækjurnar eru hafðar sér.

Súpan er mjög saðsöm.

Gott að bera hana fram með góðu brauði.