Aðferð:

1. Kveikið á ofninum og stillið hann á 180°C.
2. Flakið er skolað í ísköldu vatni og lagt á bretti. Þerrað lítillega með eldhúspappír.
3. Beinhreinsið flakið. Það eru 24 bein í hverju flaki. Best er að ýfa beingarðinn upp með litlum oddhvössum hníf og kippa þeim síðan upp úr vöðvanum.
4. Skerið tvo 1- 1½ cm djúpa skurði eftir endilöngu flakinu.
5. Kryddið fiskinn og penslið hann með bræddu smjöri.
6. Setjið ost í skurðina og leggið flakið í smurt eldfast mót, eða litla ofnskúffu og bakið í 15-20 mínútur, eða þar til fiskurinn er gegn bakaður. Prófið að stinga hníf í flakið þar sem það er þykkast og skoðið hvort fiskurinn er tilbúinn.

Ef sporðurinn er langur og mjór er hægt að skera hann af og stinga inn í ofninn, 8-10 mínútum seinna.

Berið fram með soðnum kartöflum og salati.