Kúskús með kjúklingi (úr Gott og gagnlegt 2)

Hráefni:

  • 1 ½ dl vatn
  • 1 msk matarolía
  • ½ grænmetisteningur
  • 75 g kús kús
  • ½ skinnlaus og beinlaus kjúklingabringa skorin í litla bita
  • nokkrir sveppir, skornir í sneiðar
  • ¼ – ½ laukur, saxaður smátt
  • 1 hvítlauksgeiri pressaður eða saxaður
  • örlítið af nýmöluðum pipar
  • 1 ½ msk matarolía
  • örlítið salt eða kjúklingakraftur
  • ½ dl vatn
  • ¼ paprika, rauð er fallegust
  • 2–3 msk maískorn
  • 1–2 kvistir steinselja

Aðferð:

  1. Kjúklingabringan þerruð og skorin smátt, notið bretti. Hendur og áhöld þvegin.
  2. Laukur, sveppir og hvítlaukur hreinsað og saxað niður.
  3. Olían hituð á pönnu og kjúklingabitar, laukur, sveppir og hvítlaukur steikt í 3–4 mínútur. Hitinn lækkaður.
  4. Þá er ½ dl af vatni hellt á pönnuna, lok sett yfir og látið krauma í nokkrar mín.
  5. Á meðan er gott að taka til og skera niður papriku, klippa niður steinselju og annað grænmeti sem nota á.
  6. Kús kús grjónunum, paprikunni og maískornunum er nú blandað saman við kjúklinginn á pönnunni. Látið krauma í 1–2 mínútur. Bragðbætt ef þarf. Steinselju stráð yfir.
Gott að bera nýbakað gróft brauð með réttinum.