Hvítlaukspasta

Hráefni:

  • 1 pk tortellini pasta (m kjöti inní)
  • 15-20 sveppir (fer eftir stærð)
  • 1 pk skinka
  • 1 stk hvítlauksostur (þessi í gegnsæu umbúðunum)
  • ½ l rjómi
  • 1 grænmetisteningur
  • 1 tsk hvítlauksmauk (fer eftir smekk, sumum finnst nóg að hafa hvítlauksost)

Aðferð:

  1. Sjóðið pastað í u.þ.b. 12 mínútur til þess að það verði alveg mjúkt í gegn. Gott er að taka upp einn hring í einu, kæla og smakka til að vita hvort það sé tilbúið.
  2. Hvítlauksosturinn er settur í pott ásamt öllum rjómanum og beðið þangað til að osturinn er bráðnaður.
  3. Bætið grænmetisteningi og hvítlauk út í.
  4. Sósan er látin vera á lágum hita þangað til að hún er orðin eins þykk og viðkomandi vill hafa hana.
  5. Sveppirnir skornir niður og steiktir á pönnu ásamt skinkunni og látið síðan út í sósuna.
  6. Pastað látið í fallega skál eða í djúpt fat og sósunni hellt yfir.
Borið fram með góðu brauði og salati ef vill.