Aðferð:

1. Hrærið smjörlíki og púðursykurinn mjög vel í hrærivél.
2. Bætið einu og einu eggi út í og hrærið vel á milli.
3. Sigtið þurrefnin saman við og þynnið með mjólkinni. Hrærið eins lítið og hægt er að komast af með, þannig að deigið verði samfellt.
4. Skiptið deiginu í 4 hluta og setjið á velsmurðar bökunarplötur. Breiðið það jafnt yfir plöturnar með góðum spaða.
5. Bakið við 180-200° C, þar til er kominn góður bökunarlitur.
6. Losið strax af plötunni og látið á sykurstráðan pappír. Það þarf að snúa neðstu plötunni. Kælið vel áður en kremið er sett á.
7. Smyrjið kreminu jafnt á og leggið næsta ofan á og síðan hvert lagið af öðru. Sumum finnst gott að smyrja sultu á eitt lagið, annað hvort yfir smjörkremið eða að hafa aðeins sultu á einu laginu. Þetta fer auðvitað eftir smekk hvers og eins.

   Krem:

8. Hrærið lint smjörið og flórsykurinn vel.
9. Vætið í með eggjarauðunum og vanilludropunum og hrærið vel.

Þetta er gömul uppskrift sem passar vel á gömlu Rafha plöturnar.

Ég myndi baka 1 ½ uppskrift fyrir 4ra laga köku sem bökuð væri á stærri plötum, sem passa í nýja ofna.

Gott er að leyfa kökunni að bíða og brjóta sig áður en hún er skorin í stykki.