Aðferð:

1. Blandið öllum þurrefnum saman á borð og myljið kalt smjörið saman við.
2. Búið til holu í miðjuna og vætið í með eggjunum og hnoðið öllu vel saman.
3. Skiptið deiginu í sex hluta, hveiti stráið deigið og fletjið jafnt út á velsmurðar bökunarplötur.
4. Bakið við 180 °C blástur í 13–15 mínútur eða þar til er kominn góður bökunarlitur.
5. Losið strax af plötunni og látið á sykurstráðan pappír. Það þarf að snúa neðstu plötunni. Kælið vel áður en kremið er sett á.
6. Smyrjið kreminu jafnt á og leggið næsta ofaná og síðan hvert lagið af öðru. Sumum finnst gott að smyrja sultu á eitt lagið, annað hvort yfir smjörkremið eða að hafa aðeins sultu á einu laginu. Þetta fer auðvitað eftir smekk hvers og eins.

   Krem:

7. Hrærið lint smjörið og flórsykurinn vel.
8. Vætið í með eggjarauðunum og vanilludropunum og hrærið vel.

Þetta er stór uppskrift. Nægileg á 6 plötur. Hægt að baka 1½ tertu úr þessu eða að búa til 6 laga tertu.

Mikilvægt að leyfa kökunni að bíða og brjóta sig áður en hún er skorin í stykki.

Mjög gott að láta vel undið rakt stykki yfir kökuna og síðan að geyma hana í vel lokuðum plastpoka yfir nótt.