Aðferð:

1. Bakið eða sjóðið kartöflurnar þangað til þær eru næstum alveg mjúkar í gegn.
2. Steikið beikonið á þurri heitri pönnu eða í örbylgjuofni. Látið það á eldhúspappír til að losna við sem mesta fitu.
3. Skerið kartöflurnar í tvennt eftir endilöngu þannig að þær verði eins flatar og hægt er.
4. Skafið megnið af kartölunni úr hýðinu með skeið og setjið í skál. Gætið að taka ekki of mikið innan úr svo kartaflan haldi lögun sinni.
5. Saxið steikt beikonið og hrærið það saman við kartöflurnar í skálinni ásamt ostinum. Kryddið með salti og pipar eftir bragði.
6. Raðið kartöflu helmingunum í ofnfast fat eða á plötu og skiptið fyllingunni í þá. Það á að vera svolítill kúfur á. Ef til vill nægir fyllingin aðeins í 6-7 helminga.
7. Grillið í ofni í 5-8 mín. eða þangað til kartöflurnar hafa fengið á sig gullinn lit.
8. Látið skeið af salsa sósu, sýrðum rjóma og vor/blaðlauk á hverja kartölfu.

Berið fram með ýmsum réttum eða sem sjálfstæða máltíð með brauði og salati.