Aðferð:

1. Leysið upp þurrgerið og hunangið í volgu vatninu (37°C) og bætið salti og matarolíu útí.
2. Bætið hluta af hveiti saman við. Hrærið deigið með sleif. Bætið hveiti í eftir þörfum. Deigið á að vera mjög blautt, alltof blautt til að hægt væri að hnoða það á borði.
3. Látið lyfta sér í skálinni í a.m.k. 20-25 mín. ef tími er til.
4. Setjið nú deigið á disk með hveiti og veltið deiginu í hveitinu með sleikju, þannig að það sé vel hulið hveiti.
5. Setjið nú deigið á bökunarpappírsklædda plötu. Notið hveitistráða lófana til að fletja út í u.þ.b. 2 cm þykkan kringlóttan brauðhleif.
6. Penslið olíublönduna yfir deigið. Látið lyfta sér í a.m.k. 20 mín. Ýtið með fingrunum í deigið og búið til holur.
7. Bakið við 220°C í u.þ.b. 10-12 mín eða þar til hleifurinn er fallega brúnn.
8. Gott að pensla með restinni af olíublöndunni um leið og brauðið kemur úr ofninum og stráið sjávarsalti yfir.