Fiskisúpa Gunnu

Hráefni:

  • 800 g ýsu/lúðuflök eða annar fiskur
  • 500 g rækjur/hörpuskel/humar
  • 200 g ferskir sveppir
  • 1 stk laukur
  • ½ stk blaðlaukur
  • 1 stk græn paprika
  • 1 stk rauð paprika
  • 1 stk gul paprika
  • 2 stk gulrætur
  • ½ dós ananaskurl + safinn
  • 200 g rjómaostur
  • 1 peli rjómi
  • ½ tsk paprikuduft
  • 1 tsk karrý
  • 1 dolla Oscar fiskikraftur í 2 L af vatni = Fiskisoð
  • olía til steikingar
  • salt, súputeningar

Aðferð:

  1. Saxið lauk, sneiðið blaðlauk, papriku, sveppi og gulrætur og steikið í olíu.
  2. Setjið í pott ananaskurlið og safann, láta krauma í smá stund.
  3. Bætið fiskisoði, rjómaosti, rjóma og kryddi útí og látið krauma í 8-10 mín. Þetta er hægt að gera og geyma til næsta dags ef hentar.
  4. Hreinsið fiskinn og skerið í bita og bætið útí. Látið sjóða við vægan hita í 3-mín. Bragðbætið eftir bragði.
  5. Að síðustu er rækjum/humri/skelfiski bætt útí og látin koma upp suðan.
Berið fram strax með góðu brauði.