Fiskdeig
Hráefni:
- 400 g hakkaður fiskur (ýsa eða þorskur)
- 1½ stk rifinn laukur
- 1 tsk salt
- ¼ tsk pipar
- ¾ tsk hvítlaukssalt
- 1/5 hluti hveiti og kartöflumjöl
- 1 egg
- ca 1½ mjólk
Aðferð:
- Setjið fiskinn, laukinn og kryddið í hrærivélarskál og blandið létt saman.
- Skiptið í fjóra jafna hluta. Takið einn hlutann upp og látið 2 msk af kartöflumjöli í holuna og sléttfyllið síðan holuna með hveiti.
- Hrærið vel saman , bætið egginu í og smátt og smátt mjólkinni.
Athugið að mjólkurhlutfallið fer eftir því hvað á að matreiða úr fiskdeiginu. Þykkast í soðnar bollur, aðeins þynnra í steiktar og þynnst í fiskbúðing.
Gott er að láta deigið bíða um stund eftir að það hefur verið hrært. Það þykknar aðeins við biðina. Bætið vökva í ef með þarf.