Eggjakaka í ofni (úr Gott og gagnlegt)
Hráefni:
- 1 sneið skinka
- biti af papriku, tómat eða blaðselleri
- biti af lauk eða blaðlauk
- 1 egg
- 1/2 dl mjólk
- 1/8 tsk salt
- 1/8 tsk af öðru kryddi, til dæmis paprikudufti, hvítlauksdufti eða svörtum pipar
- 1 msk rifinn ostur
Aðferð:
- Kveikið á ofninum og stillið á 200 °C.
- Skerið skinku í litla bita.
- Skolið og skerið grænmetið smátt.
- Penslið 2 lítil álform eða eldfast mót með matarolíu.
- Setjið saxað grænmetið og skinku í botninn á forminu.
- Brjótið eggið í skál, setjið mjólk og krydd útí og sláið saman með gaffli.
- Hellið í formin og stráið rifnum osti yfir.
- Bakið í 15–20 mínútur.
Þegar eggjakakan er bökuð er henni hvolft á skreyttan disk.
